Dili, Sabadu, 4/Setembru/2021-Ministru Petróleu no Minerais Dr. Victor da Conceição Soares, akompanha husi Diretor Geral Ministériu Petróleu no Minerais (MPM), Dr. Manuel Lemos no ekipa MPM, hamutuk ho Prezidente Konsellu Administrasaun Timor Gap, E.P., Eng. António José Loiola de Sousa no ekipa Timor Gap, E.P., Prezidente Institutu Petróleu no Geologia (IPG), Eng.Gabriel Aparício no ekipa IPG, Ekipa Autoridade Nasional Petróleu no Minerais (ANPM), Koordenadora TL-EITI, Sra. Elda no ekipa TL-EITI, partisipa iha aprezentasaun Programa, Prioridade no Proposta Orsamentu Geral Estadu Tinan 2022, ba ekipa Komité Revizaun Orsamentu Polítika (KROP).Ministru Petróleu no Minerais Dr. Victor da Conceição Soares, liu husi abertura ba aprezentasaun dahuluk husi parte Ministériu Petróleu no Minerais nian ba ekipa Komité Revizaun Orsamentu Polítika, ho ajenda hanesan tuir mai ne’e :
1. Vizaun no Misaun Ministériu Petróleu no Minerais;
2. Objetivu Jeral;
3. Prioridade Geral ba Tinan 2022;
4. Ezekusaun Orsamentu ba Tinan 2021;
5. Programa Esensial ba Tinan 2022;
6. Pakote Fiskal ba Tinan 2022 no Proposta Orsamentu Adisional;
7. Rekomendasaun.
Hafoin Ministru Petróleu no Minerais termina aprezentasaun ba KROP, kontinua hikas ho aprezentasaun husi reprezentante Autoridade Nasional Petróleu no Minerais (ANPM), reprezentante husi Timor Gap no Prezidente Konsellu Administrasaun Timor Gap, E.P., Eng. António José Loiola de Sousa, no Prezidente Institutu Petróleu no Geologia (IPG), Eng.Gabriel Aparício.Aprezentasaun husi Ministru Petróleu no Minerais ho ekipa husi Instituisaun tuteladas sira ne’e, hetan apresiasaun diak husi ekipa Komité Revizaun Orsamentu Polítika. Governu, liu husi KROP hahu’u iha loron 2 fulan Setembru tinan 2021, halo análize ba programa no proposta orsamentál sira husi Ministériu no Ajénsia Autónoma sira, hodi hare’e kona-ba elaborasaun versaun finál Projetu Proposta Lei Orsamentu Gerál Estadu (OGE) 2022 nian, atu entrega ba Parlamentu Nasionál iha loron 1 fulan Outubru 2021.Aprezentasaun refere halao direitamente iha Auditórium Ministériu Finansas, Aitarak-laran.@MÉDIA MPM@