TL-EITI da7 (2014) no da8 (2015) no da9 (2016) iha Postu Administrativu Fatuberliu
Atu asegura katak iha futuru Timor-leste bele kumpri nafatin EITI standar 2019 rekezitu numeru 7.1. Ministerio do Petróleo e Minerais liu hosi Secretariadu Timor-Leste Extractive Industries Transparency Initiative (TL-EITI) organiza ona“desiminasaun relatorio TL-EITI da7 (2014), da8 (2015) no da9 (2016) ”iha Municipio Manufahi Postu Administrativu Fatuberliu iha loron 10-11 Outubru 2019.
Desiminasaun ne’e realiza ho intasaun atu fahe informasaun ba komunidade sira iha base ne’ebe iha relasionadu ba konteudu relatoriu TL maibe mos sei fahe informasaun sira seluk hanesan atividade petroleo, gas no minerais nia, impostu petroleo, estratejia investimentu fundu petroleo no mos alokasaun orsamentu geral estadu.
Desiminasaun relatorio TL-EITI refere halao dereitamente hosi Multi Stakeholder Group (MSG) kompostu hosi entidades governu, kompania petroleo no soseidade sivil, No involve mos ajensia governu liu-liu Ministerio Finansas (Dirasaun Orsamentu Geral Estadu).
Liu atus ida (100) partisipantes mak atende desiminasaun refere kompostu hosi lider komunitaria, governu local, Madre, Polisia estudantes no komunidade sira,espera katak informasaun ne’ebe palestra hosi oradores idak-idak bele kaptura hodi nune’e bele ba hatutan fali informasaun sira ne’e ba iha ita nia komunidade ne’e be mak iha hela besik ba.
Komunidade sira espresa ida ne’e foin primeira vez ekipa nasional ba halo desiminasaun iha postu administrativu Fatuberliu liu-liu informasaun sira kona-ba reseitas fundu petroleo nian ne’eduni komunidade sira rekomenda sei bele karik informasaun sira hanesan ne’e bele kontinua mos fahe ba to’o iha nivel suku no aldeia sira hodi nune’e komunidade sira bele hetan akompanha no asesu nafatin ba informasaun sira ne’e.