Ekipa husi Secretariadu Extractive Industries Transparency Initiative (EITI) International visita timor-leste husi 13-15 Novembru 2019 intensaun husi visita ne’e mak atu realiza kolokio loron ida (13 Novembru 2019) ba Multi Stakeholder Group (MSG) hodi esplika kona-ba mudansa foun EITI standard 2019 ne’ebe ligadu liu ba rekezitus 1.4 no 6.3 gender nian, 2.4 kontratu, 4.2 faan komodidade (Comodity sales), 6.1 relata ambiental (enviromental reporting) no rekezitus sira seluk tan e alende ne’e iha mos sesaun aprezentasaun kona-ba estudu viabilidade Beneficial Ownership no Systematic disclosure (Mainstreaming) hosi Administrador Independente (Ernest & Young). Kolokio ne’e realiza iha Dili, TIMOR PLAZA (Andar 5) ORCHIDS ROOM.
Iha loron 14 Novembru ekipa ne’e mos sei fo’o formasaun ba sosiedade sivil kona-ba EITI standard 2019 no mos diskute asuntu balun ne’ebe persiza esklaresementu husi EITI International sira, e mos kontinua ho enkontru separadu ho kompania estrativa ida idak hodi diskute oinsa industria sira regista (records) no atualiza informasaun kona-ba pagamentu husi kompania estrativas sira ba Ajensia Governu no oinsa informasaun sira ne’e bele Systematic disclosure (Mainstreaming) iha futuru. Nasaun balun ne’ebe adere ba EITI ( exp. Kazastan, Norwegia) informasaun sira ne’ebe rekere (required) tuir EITI nia standard bele asesu liu husi sistema relata korporativa no Governu nian hanesan databases, websites, annual progress reports, portals no seluk tan.
Sei enkontru mos ho S.E. Ministro Petroleo e Minerais em exercicio atu diskute espesifiku ba atual mudansa EITI standard inklu rekezitus foun ba divulgasaun informasaun beneficial ownership ba kompania sira ne’ebe involve (engaged) iha industria estrativa no rekezitus foun ba divulgasaun kontratu no relata ambiental (environmental reporting). No sei enkontru ho ajensia governu balun (Dirasaun Impostu Petroleo no Unidade Fundu Petroleo) atu diskute kona-ba jestaun rendementu fundu petroleo nian.
Ekipa ne’e reprezenta husi Sra. Gay Ordene, Regional Director for Asia EITI International Secretariat no Annie Magnus, Country Officer, Southeast Asia EITI International Secretariat
Partisipantes laos Multi Stakeholder Working Group (MSWG) sira deit maibe mos konvida stakeholder relevantes balun sira husi Serviço de Registo e Verificação (SERVE), Secretario Estado Ambiente (SEA), Trade Investment, Timor-Resouces, CARNARVON PETROLEUM TIMOR UNIP LDA no Conselho Consultativo Fundo Petroleo (CCFP). konvida institusaun refere tanba mudansa EITI standard 2019 iha ligasaun mak hanesan involvementu gender rekezitu (1.4,6.3,7.1 no 7.4), Relata Ambiental (Environmental Reporting rekezitu (6.1) no Monotorizasaun & Impaktu Ambiental rekezitu (6.4), Beneficial ownership rekezitu (2.5) no sira seluk tan.