Ministerio do Petroleo E Minerais liu hosi Secretariadu Timor-Leste Extractive Industries Transparency Initiative (TL-EITI) organiza kolokio Loron hat (17-20) Novembru 2021), iha Munisipiu Covalima ba Core Group Transparensia (CGT) kompostu hosi membru sira Lao hamutuk, Mata Dalan Institute, Ba Loos Foundation, Asosiasaun Hak, Kdalak Suli Mutuk, ETADEP, Feto Hadomi Familia, Haberan Institute, Permakuture Timor-Leste, Fundacao Haburas, Community Development Interest, Luta Hamutuk, RHTO
Kolokio refere sei foka liu ba EITI Standard foun 2019 ne’ebe ligadu liu ba rekezitus 2.4 Transparensia Kontratu, 4.2 Negosiu Komodidade (Comodity Trading), 6.1 relata ambiental 6.1b no 6.4, 6.3 Generu nian, no Transparensia Mainstreaming.alende ne’e sei fahe mos informasaun balun kona-ba atividade rekursus naturais nia (oleo gas no minerais) dezempenho fundu petroleo, alokasaun Orasamentu Geral Estadu, impostu petroleo no progresu servisu TIMOR GAP no politika Ministerio ba iha Transparensia.
Alterasun ba padrao EITI sempre akontese depende ba situasaun kada nasaun ida-idak nian ne’eduni membrus Core Group Transparensia persiza hatene, entaun Secretariadu TL-EITI kolabora ho CGT hanoin atu realiza kolokio ne’e para eleva sira nia konesimentu no bele akompanha besik liu tan mudansa sira ne’ebe iha relasaun ba transparensia no kontabilidade iha setor Oleo, Gas no Minerais hodi nune’e sira bele ba hatutan fali ba sira nia membru sira.
Governu iha kometimentu nafatin hodi kapasita entidades hotu liu-liu Soseidade sivil ne’ebe membru iha MSWG no mos sira ne’ebe mak tama konta ba halo monotirizasaun no fiskalizasaun ba atividade sira ne’ebe iha relasaun ho rekursus naturais hodi nune’e sira bele hatene katak governu jere osan mai hosi rekursus naturais ne’e transparénsia no akontabilidade tuir modelu no prinsipiu rekezitu EITI nian.
Oradores laos deit mai hosi Multi Stakeholder Working Group (MSWG) maibe mos konvida stakeholder relevantes balun sira husi Ministerio Finansas (Dirasaun Orsamentu Jeral Estadu).